Стендап-комичарот Влад Илиќ ќе настапи утревечер во 20 часот во МКЦ парк во Скопје. Влад е млад и перспективен комичар кој ги користи своите лични приказни и гледишта на тоа како е да се биде млад милениумец од Источна Европа во Лондон и сето тоа го преточува во супервкусно комично шоу со кое од ден на ден станува се попопуларен и баран по клубовите во Англија – велат од МКЦ.
Тој има освоено неколку награди: King of the Gong – Comedy Store Manchester Comedian of the Year – Stand Up Club Soho, London One to Watch – Up the Creek, Greenwich London Max Turner Prize – Comedy Virgins, Stockwell, London.
Не oстанаа рамнодушни и „ловците на таленти“ на популарната „Би-Би-Си“, каде беше гостин на настан организиран од страна на популарната телевизија.
Специјален гостин, кој ќе ја отвори вечерта е Никола Сиљаноски – Братучед, стендап-комичар од Охрид.
Цената на билетот изнесува 400 денари на билетарницата на МКЦ или на линкот.
